2007/07/17

"ЭРҮҮЛ МЭНДИЙН ӨДӨР"

Энэ жилээс эхлэн ПМОХ, польшд ажиллаж амьдарч буй эмч нартайгаа хамтран оюутнуудыг эрүүл мэндийн үзлэгт үнэгүй хамруулах "ЭРҮҮЛ МЭНДИЙН ӨДӨР" хөтөлбөрийг жил бүр уламжлал болгон зохион байгуулахаар болсон билээ.
Эхний хөтөлбөр маань 2007 оны 2 сарын 10 ний өдөр Лодз хотноо профэссорГиваабал эмчийн удирдлаган дор болж Лодз хотын оюутнууд, 24 ний өдөр Варшав хотноо Оч, Цогоо, Дариа эмч нарын удирдлаган дор болж Варшав хотын оюутнууд хамрагдлаа.
Тус хөтөлбөрт тус нэмрээ оруулсан Польш Улс дахь Монгол Улсын Хэргийг Түр Хамаарагч ноён Батсайхан, дээр нэр дурьдсан эмч нартаа талархсанаа ахин илэрхийлье. Дашрамд хэлэхэд дээрх эмч нар маань үзлэгт хамрагдсан оюутнууддаа хэрэгцээт эмийг үнэгүй олгосон юм.
Ирэх жил тус хөтөлбөрт бүр их оюутнууд хамрагдна гэж найдаж байна. Цааш нь унших...

2006-12-26.ШИНЭ ЖИЛИЙН ҮДЭШЛЭГ




Цааш нь унших...

2007/07/09

2005-04-30.Азгүйтээгүй бол алт авах магадлал тун өндөр байлаа

Тус тэмцээний дараа тэмцээний ерөнхий зохион байгуулагч, Краковын Солонго багын тамирчин Б. Жаргалантай уулзаж тэмцээний талаарх сэтгэгдэлийг нь сонирхсон юм.

Өчигдөр өнөөдөр болж өнгөрсөн арга хэмжээ үнэхээр сайхан болж өнгөрлөө. Эхлээд өчигдөр өглөө болж өнгөрсөн ПМОХ- ын анхдугаар эрдэм шинжилгээний бага хурлын талаар яриагаа эхэлье.Тус хурлын талаар таны сэтгэгдэл хэр байна?
-Оюутнууд их сайхан бэлдэж ирсэн байна лээ. Мэдэж авах юм ихтэй сайхан илтгэлүүд байсан маш их баяртай байна. Танхим бүх юм бүрдсэн байсан болохоор их мэргэжлийн болсон гэж бодож байна.

Сагсны тэмцээнээр хэдий хэр хүмүүс цугларсан бэ?
-70, 80-аад хүн ирсэн. Уг нь тэрнээс ч их хүн хүлээж авна гэж бодож байсан. Ажил их байсан. Тэмцээний өмнөх бүтэн 7 хоног гүйлээ, хажуугаар нь бас багийн бэлтгэл гээд л.

Энэ удаагийн Тэмцээний багуудын талаар бодол юу байна?
-Манайхны хувьд хэдэн удаа заал авч тоглосон, залуучуудын баг бол үнэхээр чанга байсан. Азгүйтээгүй бол алт авах магадлал тун өндөр байлаа. Эмэгтэйчүүдийн баг санаснаас их сайн байсан. Багийн мэдүүлгээ бид тэмцээний өдөр авсан болохоор ямар их эмэгтэй баг вэ гэж гайхаж байсан. Вүж хотын эмэгтэйчүүдийн “ SPEED“ баг энэ жил “АНДУУД”аас цомоо эргүүлж авлаа. Би маш их баяртай байна.

Ер нь сая харж байхад Монголчуудын хобооноос гэхээсээ оюутнууд (Краковын) саяын арга хэмжээг зохоин байгуулсан гэлтээ.
-Тэгж хэлж болноо. (инээв) . Саяын 2 өдөр ерөнхий зохион байгуулагчаар Жагаа, Эба туслах зохион байгуулагчаар Ундрах, Жавхаа, Жавзаа нар Буяа худалдааны асуудалаар хариуцан ажилсан. Монголчуудын холбооноос бараг мөнгө орж ирээгүй . Цомуудыг Лхагва ах спонсордсон байсан.

Ер нь ПМОХ- ын өөрийн гэсэн зохион байгуулдаг ийм том арга хэмжээг бий болговол зохион байгуулах хүмүүс нь бэлэн гэж ойлгож болох уу?
- Мөнгөний проблем их гардаг гэхээс оюутнууд зохион байгуулахад сайн юм аа

Тэмцээний спонсрын талаар?
- Stalowawolagiin Лхагва ах маань Краковын багийг Жамаа ах (Жамух компани) . Цэгмэд, Мягмаргариг ах. Үнэндээ ямар ч мөнгөгүй тэмцээн босно гэж хэцүү юм байна лээ.

За ингээд улажлал ёсоор сүүлийн асуултыг таньд үлдээе!
-Зохион байгуулахад тусалсан, бас хүрэлцэн ирсэн та бүхэндээ баярлалаа!

"Залуу нас"сонины 4 дэх дугаар

Цааш нь унших...

2005-04-30.“Speed” баг цомоо эргүүлэн авлаа

Польш дахь Монголчуудын холбооноос жил бүр уламжлал болгонзохиож байгаа сагсан бөмбөг, ширээний теннисний аврага шалгаруулах цомын тэмцээн өнгөрсөн сарын 30, энэ сарын 1-ний өдрүүдэд Краков хотноо амжилттай болж өнгөрлөө.

Тэмцээнд Польш Улсын долоон хотоос сагсан бөмбөгийн тэмцээнд 15 баг тамирчид орсоноос сагсан бөмбөгийн эмэгтэйчүүдийн багуудаас 2003 оны цомын эзэд Вүж хотын Speed” баг түрүүлэн 2 дахь удаагийн цомын эзнээр тодорлоо.Удаах байруудад Варшав хотын “Андууд “ Лүблин хотын багууд орж мөнгө хүрэл медалиар энгэрээ мялаалаа. Эрэгтэйчүүдийн багуудаас Вроцлав хотын “Цоохор” баг цомын эзэн болж Варшав хотын”Барс”, Краков хотын “Жамух” багууд мөнгө хүрэл медаль хүртлээ.

Ширээний теннисний тэмцээнд эмэгтэй тамирчидаас 1-р байранд Байгалмаа /Катовиц/, 2- р байранд Мөнхжаргал /Вүж/, 3- р байранд Сэлэнгэ/ Варшав / ,

эрэгтэй тамирчидаас 1-р байранд Энхбат /Вроцлав/, 2-р байранд Алтанхүү /Варшав/ нар тус тус орлоо.

Тэмцээнд амжилттай оролцсон баг тамирчиддаа Залуу нас сонины хамт олноос халуун баяр хүргэе!

Мөн тэмцээний 2 өдрийн турш баг тамирчидаа дэмжин элэг нэгтэнүүдтэйгээ өөрийн үнэт цагаа хуваалцсан Монгол Улсын Элчин сайд ноён Т.Баасансүрэнд, Вүж хотынхоо баг тамирчиддаа бүх талын дэмжлэг туслалцаа үзүүлсэн Вүж хотынхоо ах эгч нартаа, тамирчидынхаа хувцасыг эсгэн оёсон уран гарт оюутан Л.Энхчимэг болон оюутнууддаа, талархсанаа ахин илэрхийлье!

Сонины зөвлөл


"Залуу нас"сонины 4 дэх дугаар

Цааш нь унших...

2005-04-30.ПМОХ- ын анхдугаар эрдэм шинжилгээний бага хурал

ПМОХ байгуулагдснаас хойш 4 сар өнгөрчээ. Энэ хугацаанд оюутнууд маань олныг хамарсан хэд хэдэн арга хэмжээгээ зохион байгуулаад зогсоогүй өөрсдийн интернет хуудас, форумтай ч болоод амжжээ. ПМОХ- оос зохион байгуулсан энэ удаагийн арга хэмжээ нь энэ оны 4 сарын 30 ны амралтын өдөр Краков хотын Ягилоны их сургуулийн хурлын зааланд болсон ПМОХ-ын анхдугаар эрдэм шинжилгээний бага хурал байлаа.

Урьд урьдын жилүүдэд Польш улсад суралцаж буй Монгол оюутнууд маань их, дээд сургуулиа дүүргэн нэг хоёроороо цувран төгсдөг байсан бол энэ жилийн хувьд арваад оюутан эрдмийг сураад эх орныхоо зүг хөтөлж байгаагаар онцлог жил болж байна. Энэ удаагийн хурал дээр ихэвчлэн Польш улсын их дээд сургуулиудыг энэ жил дүүргэж буй оюутнууд маань оюутан найзууддаа, дүү нартаа бэлдсэн сонирхолтой зөвлөмж илтгэлүүдээ тавьлаа. Энэ өдрийн эхний илтгэлийг Варшав хотын Худалдааны Их Сургуулийн маркетинг, менежментийн төгсөх күрсийн оюутан Ш.Энхтуул, тус сургуулийн гадаад харилцаа болон банк санхүүгийн мэргэжлээр давхар төгсөж буй оюутан Ч. Гэрэлсайхан нар “ Хором бүрт боломж” илтгэлээ уншлаа. Хоёр оюутан маань илтгэлдээ оюутан бүхэн нүдээ нээлттэй байлгаж, алхам бүрт олдох боломжоо ашиглахыг оюутан найз нартаа уриалж байлаа. Тус илтгэлийн дараа оюутнуудынхаа үйл ажилгааг идэвхтэй дэмжигч, Монголчуудын Холбооны гишүүн, их эмч Б. Бат- Оргил ах маань “Сэхээтний давхрага” сэдэвт илтгэл тавин өөрийнхөө оюутан насныхаа туршлага сургаалыг бидэнтэй хуваалцлаа.

Тус хурал дээр Монгол улсаас Польш улсад суугаа онц бөгөөд бүрэн эрхэт элчин сайд Т.Баасансүрэн хүрэлцэн ирсэн нь оюутнуудын үйл ажилгааг ямархуу өргөн хүрээнд дэмжиж байгааг илэрхийлж байлаа. Элчин сайд : ПМОХ- ын явуулж буй үйл ажилгаанууд болон хийхээр зорьж байгаа ажилуудыг сайшааж байлаа. Тэрээр мөн тус Эрдэм шинжилгээний бага хуралд тавигдаж буй илтгэлүүдээр тохьмол гаргаж, тус тохьмолыг ПМОХ-ын үйл ажилгааны толь байхаар, цаашилбал жил бүр уламжлал болох тус Эрдэм шинжилгээний бага хуралд цааш цаашдаа тавих оюутнуудад нэмэр болохуйц ном байхаар хэвлэхийг санал болгосон юм. Эцэст нь оюутнууддаа: ПУ-д сурч буй оюутнууд маань бусад оронд сурч буй монгол оюутнуудтай харицуулахад ихэнх нь төгсөөд Монголдоо эргэн очиж ажиллаж эх орныхоо хөгжил дэвшилд хувь нэмэр оруулдаг мөн ПУ- д зэрэг ахиулахаар үлдэн суралцдаг сайхан уламжлалыг хадгалж үлдэхийг захисан юм.

Хурал цааш Варшавын Их Сургуулын олон улсын харилцааны төгсөх курсын оюутан Р.Ариунтуяагийн “Дипломын ажлыг хэрхэн бичих, түүний техник сэдэвт илтгэл”, Ягилоны их сургуулийн хуулийн ангийг төгсөгч Ж.Ундрахын “Гадаад хөрөнгө оруулалт” сэдэвт илтгэл, Варшавын Шинжлэх Ухааны академикийн дэргэдэх английн Ланкестерын их сургуульд магистерын зэрэг хамгаалж буй оюутан Н. Эрдэнэчимэгийн “Эмэгтэйчүүдийн нийгэмд эзлэх байр суур болон түүнийг дээшлүүлэх нь” илтгэлээр үргэлжиллээ.

Түүний дараагаар Монгол улсын төв банкны судалгааны эдийн засагч, Польшийн Үндэсний банкинд мэргэжил дээшлүүлж буй А. Хулан эгч маань “ Бүтээлч хүн гэж хэн бэ?” илтгэлээ тавьсан юм. Эцэст нь Вроцлавын Политехник мэдээлэл зүй, удирдлагын ангийн төгсөгч оюутан Ю. Энхбат оюутан дүү нартаа хандсан захиасын үгээр энэ удаагийн ПМОХ- ын эрдэм шижилгээний бага хурал өндөрлөсөн юм.

Tа бүхэндээ тус хуралд тавигдсан А. Хулангийн “ Бүтээлч хүн гэж хэн бэ?” илтгэлийг товчлон хүргэж байна.
Би юу хийж чадах хvн бэ? Би бvтээлч хvн мєн vv? Би жvжигчин Сувд, Бавуугийн Лхагвасvрэн, Жамбын Пvрэв, Бямбын Ренчин, Нобелийн шагналтан эрдэмтэд, архитекторч, зохиолч, эдийн засагч, хуульч нартай хийж бvтээх юмсан гэсэн сэтгэлээсээ гадна юугаараа ижил байж чадах бол? Тэдэнтэй дvйцэхvйц хэмжээний vйлс, бvтээл хийх нєєц боломж, чадвар надад байна уу? Бvтээлч vйлээрээ би тэдний адил нэр хvндтэй болж чадах уу?
Гэх мэт асуултууд санаанд нь тєрдєг залуус олон биз ээ. Yvнийг жаахан ч гэсэн тайлах юмсан гэж нэртэй эрдэмтэд, инженер, хуульч, зохиолч, улс тєрч гээд олон тєрлийн бvтээлч хvмvvс, тэдний нийтлэг шинж чанаруудын тухай судалгаануудыг сонирхон уншиж явдаг билээ.
Хvний бvтээлч чадавхи олон талын тєгс тєгєлдєр мэргэшил, эсвэл авъяас чадвараар тодорхойлогддоггvй байна. Жvжгийн зохиолч Жорж Бернард Шоу vсгийн алдаа маш их гаргадаг байж. Бэнжамин Франклин тоондоо их муу, Альберт Эйнштэйн ч бас хэлний хичээлvvддээ тааруу байсан ба нилээн мартамхай гэж хэлэгддэг байж. Бvтээлийн тоо хэмжээ ч хvний хэр бvтээлчийг тодорхойлдоггvй гэнэ. Зарим хvн олон тооны, ижил хэлбэр бvтэцтэй бvтээлvvд туурвидаг бол зарим нь цєєхєн, гэвч бидний амьдралыг єєрчлєхvйц жинтэй бvтээл туурвидаг. Мєн сэтгэн бодох чадвар ч дангаараа бvтээлч эсэхийг тодорхойлдоггvй юм. Єндєр сэтгэн бодох чадвартай боловч бvхэл амьдралынхаа туршид ямар ч бvтээлч зvйл туурвидаггvй хvн маш олон байдаг ба бага IQ-тэй ч он удаан жил бvтээлчээр ажиллаж амьдарч чаддаг хvн мєн олон байдаг байна.
Тэгвэл ямар хvнийг бvтээлч гэх вэ? Бvтээлч хvмvvс ямар шинж чанаруудтай байдаг вэ?
Харвард Их Сургуулийн сэтгэл судлаач Пэркинс 1981 онд хийсэн судалгаанаасаа бvтээлч хvмvvс дараах зургаан нийтлэг шинж чанарыг агуулсан байдаг ба энэ шинж чанаруудын хоорондын уялдаа холбооноос бvтээлч хvн тєрдєг гэж тогтоожээ.

1. Залхуугvй зан чанар
2. Асуудлыг зєвєєр тодорхойлох чадвар
3. Уян хатан сэтгэлгээ
4. Азаа сорих зориг
5. Асуудалд бодитойгоор хандах чадвар

6. Хvсэл эрмэлзэл, бат итгэл, єєрийгєє цэнэглэх чадвар
Харин судлаач ВанГандийн судалснаар бол бvтээлч хvмvvс сониуч зан, бие даасан байдал, єєртєє итгэх итгэл, уян хатан боловч шургуу цєхрєлтгvй зан чанартай байдгаас гадна ямар ч асуудалд, ялангуяа тодорхойгvй асуудлуудад хvлээцтэй няхуур хандах буюу яаравчлан єрєєсгєл дvгнэлт хийхээс зайлсхийх чанар, шинэ зvйл, єєрчлєлтийг хvлээн авах чадвартай, таамаглалууд болон нийтээр хvлээн зєвшєєрєгдсєн зvйлvvдийг шалгаж vзэх дуртай, юмны хєгжилтэй, хошин талыг олж харах чадвартай байдаг гэнэ. Yvнээс гадна тэрээр дараах нийтлэг шинж чанаруудыг авч vзэж тайлбарласан байдаг:
-Анхаарлаа тєвлєрvvлэх чадвар болон єєрийгєє мэдрэх мэдрэмж
-Дайчин зан ба сахилга бат (Discipline)
-Элдэв шинэ санаагаар тоглох, тєсєєллєє ашиглах чадвар
Тэгвэл бvтээлч хvнд саад бологч, бvтээлч чадавхийг бууруулагч хvчин зvйлvvд юу вэ?
Тэрэза Амабил болон Лэс Жоунз нарын сэтгэл судлаачдынхаар бол дараах зvйлvvд бvтээлч чадавхид саад учруулах аюултай аж. Yvнд:
1. Бусдаар дvгнvvлэх болон сайшаал урамшууллууд
2. Хэн нэгний хараан дор байх
3. Хэт єрсєлдєєн
4. Сонголт цєєтэй байх

5. Явцуу сэтгэлгээ болон гєжvvд vзэл баримтлал
6. Єєртєє итгэлгvй байх, єєрийгєє голох
Бидний хэнд ч гэсэн ихийг сурч ухаанаа тэлэх, єєрийгєє хєгжvvлэхээс авахуулаад ээж аавыгаа єргєн тэтгэх, улс орноо хєгжvvлж сайхан амьдралыг цогцлон бий болгох хvсэл зориг хадгалаатай байгаа. Тvvний тулд баримтлууштай гол зарчим бол тєгс дээд байх бус, харин сэтгэл оюунаа шавхан, єєрийнхєє чадах чинээгээр хєдєлмєрлєх явдал юм. Та бvхэн эндээс ямар нэгэн хэмжээгээр єєрсдийгєє дvгнэх боломжтой болж, мєн єєрийгєє яаж илvv vр бvтээлч хvн болгох, ямар бодолтой байж, яаж ажиллах талаар жаахан ч гэсэн санаа авсан байх хэмээн найдаж байна.



"Залуу нас"сонины 4 дэх дугаар

Цааш нь унших...

2005-04.Zakopane 2005

Оюутан Б.Азжаргалын санаачлагаар Zakopane-ий аялалыг жил бүрийн улаан өндөгний баяраар зохион байгулахаар болж, эхний аялал маань үр бүтээлтэй сайхан болж өнгөрлөө.Дэлгэрэнгүй зургийг YAHOO GROUP- ээс үзээрэй.

Цааш нь унших...

2005-03-13."Мартын 8" үдэшлэг

2005оны 3 сарын 13-д Варшав хотноо ПМОХ болон Тэмүүжин фирм хамтран эмэгтэйчүүдийн баяр, цэргийн баярыг дохиолдуулан "Мартын 8" үдэшлэг зохиогдлоо

Цааш нь унших...

2005-03-08.”БҮСГҮЙЧҮҮД” УУЛЗАЛТ ҮДЭШЛЭГ


Олон улсын эмэгтэйчүүдийн баярын өдрийг тохиолдуулан Вүж хотноо, Вүж хотын оюутнууд “Бүсгүйчүүд” нэртэй уулзалт үдэшлэгийг энэ сарын 8 нд зохион байгууллаа. Монголчуудын дунд баярыг олуулаа нийлж ууж наргих уламжлал тогтсон гэхэд хэлсдэхгүй ээ. Харин энэ удаагийн баярын өдөр маань оюутнууд өөр хоорондоо бодлоо чөлөөтэй илэрхийлж, мэдлэгээ солилцож, зарим оюутнуудын бэлтгэн ирсэн сэдвүүдийн дор үзэл бодлоо хуваалцсанаар онцлог байлаа. Оюутан Баттуяагийн бэлдсэн “ Эмэгтэйчүүдийн нийгэмд эзлэх байр суурь”, оюутан Хишигийн бэлдсэн “Өөдрөг явах 25 зарчмыг амьдралд хэрэгжүүлэхэд зөвлөмж”, оюутан Мөнхзулын бэлдсэн “ Шүдний эрүүл ахуй” сэдвүүд үр өгөөжтэй мэдээллээр дүүрэн байлаа.

"Залуу нас"сонины 2 дэх дугаар

Цааш нь унших...

2005-01-15.ВҮЖ ХОТЫН БИЛЬЯРДЫН АВРАГА ШАЛГАРУУЛАХ ТЭМЦЭЭН




Вүж хотын соёл амралтын төвд өнгөрсөн сарын 15-ны өдөр тус хотын оюутнуудын санаачлагаар зохион байгуулсан Вүж хотын бильярдын аврага шалгаруулах цомын тэмцээн амжилттай болж өнгөрлөө. Тэмцээнд тус хотод сурч, ажиллаж амьдардаг монголчууд нийт 8 тамирчин ур чадвар, авхаалж самбаагаа сорилоо. Уг тэмцээн нь Вүж хотноо зохион байгуулагдсан албан ёсны анхны тэмцээн байснаараа онцлог юм. Тэмцээн их өрсөлдөөнтэй явагдаж цомын эзнээр И.Цэрэнхүү тэргүүлж, Мягмар удааллаа. Тус тэмцээнийг жил бүр уламжлал болгон зохиохоор Вүжийн оюутнууд төлөвлөж байна.
Тэмцээний явцад оролцогчид болон энд хүрэлцэн ирсэн үзэгчдээс тэмцээний талаархи сэтгэгдлийг нь асууж сонирхсон юм.
С: Тэмцээний талаархи таны сэтгэгдэл ямар байна вэ?
Мягмар:
Тэмцээн сайхан болж байна. Манай хотын оюутнуудаас зохион байгуулж байгаа энэ арга хэмжээ нь их таалагдаж байна.
С: Өрсөлдөгчид хэр байна?
Мягмар:
Хожих хожихгүйг одоогоор хэлж мэдэхгүй нь, дараа нь харагдана биз. Эцэст нь хэлэхэд энэ тэмцээнд хожих хожигдохдоо гол нь биш, хүний газарт байгаа монголчууд олуулаа ингэж цугларах нь ховор шүү дээ. Бидэнд зориулж энэхүү арга хэмжээг зохиож байгаа оюутнууддаа талархаж байна.
С: Тэмцээний талаархи таны сэтгэгдэл ямар байна вэ?
Цэрэнхүү:
Бильярдын тэмцээн сайн болж байна. Вүжийн оюутнууд энэ тэмцээнийг сайн зохион
байгуулж байна. Гэр бүлээрээ ирцгээгээд яг л наадам болж байгаа мэт сэтгэгдэл төрүүлж байна. Байнга монголчууд ингэж цуглардаггүй болохоор ойрд уулзаагүй хүмүүстэ
йгээ уулзаад сайхан л байна

Дэлгэрмөрөн: Сэтгэгдэл өндөр байна. Монгол дуу эгшиглээд л, олон монголчууд хамтдаа, монголдоо байгаа юм шиг сайхан байна. Хамгийн гол нь эндээс оюутнуудын идэвхи санаачлага, зүтгэлийг харж байна. Жишээлбэл: Оюутнуудийн өөрсдийн хүч санаачлагаар амттай халуун хуушуур хийж монголчуудаа дайлсан нь хүмүүсийн сэтгэлд хүрэв бололтой.

Тэмцээн маань дуу хөөр, инээд баясал дүүрэн болж өнгөрлөө.

Э. Оюунбилэг

"Залуу нас"сонины анхны дугаар


Цааш нь унших...

2005-01-27.Элчин сайд оюутнуудтай хийсэн уулзалт


Сайн байцгаана уу?

2005 оны 1 сарийн 27 нд монгол улсаас польш улсад суугаа элчин сайд Баасансvрэн Краков хотын оюутан залуучуудтай ирж уулзалт хийлээ.

Тус уулзалт маш их ач холбогдол өгсөн уулзалт боллоо.

Уулзалт оройн 19 цагаас 22 цагийн хооронд Uniwersytet Jagiellonski Akademika Bursa-ийн зочдын танхимд Ноён элчин сайд, Тус хотод ажиллаж амьдарч байгаа эмч Жамсран болон оюутнуудын дунд монголын өнөөгийн улс төр эдийн засгийн байдал ,оюутан нас ,Польш улс дахь монголчуудын аж амьдрал ,болон оюутны тэтгэлгийг нэмэгдүүлэх талаар илэн далангүй ярилцаж санал бодлоо солилцлоо.

Оюутан Ундрах :

Краков хот Варшав хотоос хол оршдог. Оюутнууд 3 сар болгон явж стипендээ авдагийг тус хотдоо итгэмжлэгдсэн 1 хvний дансанд хийж, их зардал чирэгдэл гардагыг хэмнэх санал тавьсанд элчин сайд болно гэж vзлээ. Энэ санааг Варшав хотоос хол оршдог бусад хотын оюутнууд маань бас хэрэгжvvлж болох юм.

Их Сургуулиудын шалгалт шүүлэг эхэлсэн энэ цагаар элчин сайд маань ирж халуун дулаан уур амьсгалтай яриа өрнүүлж, зөвөлгөө өгч нэгэн оройг бидэнтэй

өнгөрөөсөн нь оюутан бидэнд сэтгэлийн их эрч хүч, урам өгсөн юмаа.

2005 оны хичээлийн жилд Краков хотод 18 оюутан улсын болон хувийн зардлаар суралцаж байгаагаас 7 оюутан польш хэлний бэлтгэлд 4 оюутан төгсөх күрст суралцаж байна.

Уг уулзалтыг зохион байгуулах бүх зардлыг гаргасан Эмч Жамсран ахдаа оюутнууд бид энэ сонингоор дамжуулж баярласнаа илэрхийлье.

Эцэст нь уг сонинг уншиж байгаа элэг нэгт монголчууддаа

ирж буй модон тахиа жилдээ төрлөөрөө төвшин амгалан байхын өлзийтэй ерөөлийг өргөн дэвшүүлье

Краков хотын оюутнууд


Цааш нь унших...

2004-12-30.Шинэ жилийн үдэшлэг сайхан болж өнгөрлөө



2004оны12 сарын 30ний үдэш Шинэ жилээр оюутнууд маань Варшав хотод цуглаж хуучин оноо үдэж, шинэ оноо баяр хөөртэй, дуу хууртай сайхан угтлаа. Үдэшлэгийн үеэр оюутнуудын дунд төрөл бүрийн хөгжөөнтэй тэмцээнүүд зохиогдож хамгийн сайн зохион байгуулалттай хотоор Лүблин хотын оюутнууд шалгарч шилжин явах цом өргөмжлөл хүртлээ. Бүх хотуудын оюутан залуусыг уулзуулж танилцуулдаг шинэ жилийн үдэшлэг маань жил бүрийн 12 сарын 30-нд зохиогдож байхаар боллоо.

Цааш нь унших...

2004-12-30. Польш дахь Монгол Оюутны Холбооны анхдугаар чуулга уулзалт амжилттай болж өнгөрлөө.

Чуулган 2004 оны 12 сарын 30нд уригдан ирсэн хүндэт зочид, ах эгч нарын хэлсэн үгээр эхэллээ. Польш улсад суугаа онц бөгөөд бүрэн эрхт элчин сайд Т.Баасансүрэн, Монголчуудын Холбооны ерөнхийлөгч Х.Цэнгүүнжав, гишүүн Б.Батжаргал, Б.Бат-Оргил, Монголчууд сонины эрхлэгч Д.Ундрам, Варшавын Их Сургуулийн Монгол судлалын тэнхимийн эрхлэгч доктор Агата Барэяа-Стажинска, доктор проф. Станислав Годжински, докторант Мөнхтуяа, магистр Ян Рогала нар бидний урилгыг хүлээн авч хүрэлцэн ирж, оюутнууддаа хандан олон сайхан сургамжтай үгээ хайрласан юм.

Оюутнууддаа хандан оюутнуудын төлөөлөгч болох Лодзын Их Сургуулийн оюутан Энхтунгалаг, Вроцлавын Их Сургуулийн оюутан А.Ганхуяг, Энхбат, Варшавын Их Сургуулийн оюутан Д.Мөнхбат, Варшавын Худалдааны Дээд Сургуулийн төгсөгч Л.Цэвэгмэд нар үг хэлж нийт оюутнууддаа эв нэгдэлтэй, тусч, хамтач, бүтээлч байж, оюутан насандаа бусаддаа болон нийгэмд хэрэгтэй олон сайхан зүйлсийг хамтарч бүтээхийг уриаллаа.

Үүний дараа оюутнууд маань Холбооны зорилго, үйл ажиллагаа, бүтэцтэй холбоотой асуудлуудыг хэлэлцэж, санал бодлоо чөлөөтэй солилцож эцэст нь дүрмээ батлан, дүрмийнхээ дагуу бүтцийн асуудлаа хэлэлцэн Удирдах Зөвлөл, Ерөнхийлөгч, Хяналтын Албаа сонголоо.

Цааш нь унших...

2007 оны ПМОХ-ын Удирдах Зөвлөл

2006.12.30-2007.12.30

Ерөнхийлөгч:
Ш.Есөнхишиг(Лодз хот)

Удирдах зөвлөл:
Б.Азжаргал(Варшав хот)
А.Ганхуяг(Вроцлав хот)
Т.Жаргалсайхан (Торун хот)
Ж.Жавзаа (Краков хот)
Б.Чинзориг(Бидгошч хот)
Б. Чингүүн (Вроцлав хот)
Г.Насанбаяр (Лодз хот)
Н.Эрдэнэчимэг (Варшав нот)
Ш.Энхбат(Краков хот) Цааш нь унших...

ПМОХ-ын Удирдах Зөвлөлийн гишүүд

2004.12.30-2006.12.30

Ерөнхийлөгч:
Д.Мөнхбат(Варшав хот)

Удирдах зөвлөл:
Ш.Есөнхишиг(Лодз хот)
Ц.Баттуяа(Лодз хот)
Б.Чинзориг(Бидгошч хот)
Майцэцэг(Лублин хот)
Т.Амарсайхан(Варшав хот)
Б.Азжаргал(Варшав хот)
А.Ганхуяг(Вроцлав хот)
Ш.Энхбат(Краков хот)

Хяналтын зөвлөл:
Ц.Оюунханд(Варшав хот)
М.Болормаа(Лодз хот)
Майцэцэг(Лублин хот)



Цааш нь унших...

Польш дахь Монгол Оюутны Холбооны түүх

2004 оны 12-дугаар сарын 30-ны өдөр Польш улсад сурч амьдардаг 120 оюутан залуус Варшавын Их Сургуулийн Дорно Дахины судлалын хүрээлэнд цуглаж Польш дахь Монгол Оюутны Холбоог байгуулсан. Өмнөх жилүүдэд холбоо байгуулах санааг оюутнууд гаргадаг байсан боловч биелэлээ олж чадаагүй байсан юм. Тухайн үед Лодз хотноо сурч байсан оютнуудиын санаачлага бусад хотийн оюутнуудын хучтэй дэмжлэгээр олон жилийн санаа биелэлээ олсон юм.
Мөн тус өдөр оюутнууд маань Холбооны зорилго, үйл ажиллагаа, бүтэцтэй холбоотой асуудлуудыг хэлэлцэж, санал бодлоо чөлөөтэй солилцож эцэст нь дүрмээ батлан, дүрмийнхээ дагуу бүтцийн асуудлаа хэлэлцэн Ерөнхийлөгч, Удирдах Зөвлөл, Хяналтын Албаа сонгосон.
Тус холбоог байгуулсан ерөнхий зорилгууд нь оюутнууд ирээдүйд эх орондоо их зүйл бүтээх, нийгмийн болоод шинжлэх ухаан техникийн олон талын мэдлэг боловсролтой, хамтач, хөдөлмөрч боловсон хүчин болж төлөвшихийн тулд хамтран өөрсдийнхөө сурлагын чанар, мэдлэгийн цар хүрээгээ өргөжүүлэн дээшлүүлэх мөн харилцан бие биедээ туслалцан, оюутан залуу насаа дурсамжтай сайхан, хийсэн бүтээсэн зүйлээр дүүрэн үр бүтээлтэй өнгөрөөх мөн эх орон элгэн нутгийнхаа соёлыг Польш болон Европын орнуудад сурталчилан түгээх, тэдний соёлыг Монгол орондоо таниулах зэрэг болно. Цааш нь унших...